ഒച്ചയില്ലാത്ത കരച്ചിലുകളെക്കാള്
കാഴ്ച്ചയെ പൊള്ളിക്കുന്നതായെന്തുണ്ട്?
നിസ്സഹായതയുടെ ഒറ്റമുറിയില്
അസ്വസ്ഥതയുടെ അന്ധകാരത്തില്
കരളിലെ ഉപ്പുകടല് ഇരമ്പിയാര്ത്ത്
കണ്ണുകളില് സുനാമി പടര്ന്നവരെ
എങ്ങനെയാണ് ചാടിക്കടക്കുക
അവരുടെ നിശ്വാസകൊടുങ്കാറ്റില്
ഉലഞ്ഞുപോവാതിരിക്കുക!
ആയതിനാല് പ്രിയരേ,
ഞാനെന്റെ ശബ്ദം ദാനം ചെയ്യുന്നു
ഉറക്കെ കരയാന് ശബ്ദം ലഭിച്ചവരേക്കാള്
ഭാഗ്യവാന്മാരായി ആരുണ്ടാവും.
No comments:
Post a Comment