ഞങ്ങള്‍ നാലുപേര്‍
ഒറ്റമുറിയില്‍
ഒറ്റയ്ക്കോരോ ദ്വീപ്‌ പണിത്
ഒറ്റയ്ക്കാവുന്നു.
അവന്‍ പേരു മാത്രമറിയാവുന്ന
ആഫ്രിക്കന്‍ മറിയയോട്
ഇതുവരെ കാണാത്ത
കാശ്മീരിനെ വര്‍ണിക്കുന്നു.
ഇവന്‍ മോഹന്‍ലാലിനൊപ്പം
മീശ പിരിക്കുന്നു.
മറ്റവന്‍ എഫ്ബി കൃഷി ഗ്രൂപ്പില്‍
ഇടവിളയായി വെണ്ടയും പയറും
ജൈവകൃഷി ചെയ്യുന്നു.
ഞാന്‍ ദാസേട്ടനോടൊപ്പം നാടു ചുറ്റുന്നു.
പെട്ടെന്ന്
ഞങ്ങളുടെ വാട്സ് ആപ്പ് ഗ്രൂപ്പില്‍
ഒരു മഴത്തുള്ളി ഇറ്റിവീഴുന്നു
അവനും ഇവനും മറ്റവനും
കൂടെ ഞാനും
നാട്ടിലേക്ക് തുഴയെറിയുന്നു
ആരവത്തോടെ തമ്മില്‍ കാണുന്നു,
ഞങ്ങളുടെ മുറിയിലും
മാമ്പഴം പൊഴിയുന്നു.
No comments:
Post a Comment